Summerliedfestival in Ohlungen/Elsass (Badische Zeitung)

 

Diämol isch e gleini Pilgerschar dr Kultband Fisherman’s Fall hinterhär zoge – bis zum "Festival Summerlied" uf Ohlungen im unterschte Unterelsass. D Fäns hän natiirlig gwisst, was fir e Dialäkt-Vulkan-Üsbruch uf sie wartet, schad numme, ass s elsässisch Publikum des nit het kenne wisse, dänn im Programm sin d Fischermänner as "groupe rock-folk allemand"
akindigt wore.
Aber diä relativ jung Bänd het ebe grad nit "allemand" (ditsch) oder änglisch gsunge un gschwäzt, nai, si hän s Kaiserstiähler Alemannisch, wu im Elsässische ganz ähnlig un verwandt isch, quicklebändig un flissig vordrage. Bi däm finfdägige Müsikfäscht sin mitteleuropäischi Greßene wiä dr Stephan Eicher un dr Hugues Aufray ufdrätte.  D Zitschrift "Land un Sproch" het e Stand gha, si will s Hochditsch un dr Dialäkt im Elsass pfläge. Ich han mi do mit zwei Lit uf breits Kaiserstiählerisch unterhalte, aber dr eint het uf Hochditsch, diä ander fascht numme uf Franzesisch Antwort gä. Ich hans änewäg verstande un üs Hefligkeit nit broteschtiärt. Am e andere Stand het eber breitschtes Artolsheimer Elsässisch gschwätzt, un des mit Liäbi un Vergniäge. Dä het erklärt: Diä bildete Elsässer kenne viilmol nit flissig Dialäkt schwätze. Des lit dodra, ass noch em Griäg un dr ditsche Bsatzung s Ditsch un s Elsässisch in dr Schuel rigoros unterdruckt wore isch. Är sälber isch nit ohni Hoffnung: Sini Kinder gehn z Schweighüüse, im Nochberort, in d "ABCM Zweisprachigkeit ,Unseri Schuel‘" un kenne Elsässisch. Un uf em Summerliäd-Fäscht seig sogar e große Chor vu Schuelkinder ufdrätte un heb elsässisch gsunge.

Kommentare